燈力無邊

警!黑!合!作!

最近開始有時間，要回顧番幾年前既working hoilday經歷，好彩有影相做daily record，應該寫得番出黎，因為我驚過多幾年，會忘記呢段珍貴回憶。 如果無去到澳洲，我肯定到今日都仲係鳩下鳩下，番一份又長工時，又低人工，又唔鍾意返既工。雖然而家份工都唔係好好待遇，但起碼搵到自己有興趣既道路。半專業人士，人工叫做3萬up，最重要係轉岩自己個行業，返工有成功感真係有意義好多。 至於澳洲第一桶金就等遲d再分享。 其實我已經draft好哂Working Hoilday文章每日既Topic，之後我一有時間就會更新幾篇，但發佈日期會跟番我first draft而唔會另外顯示。

留響城市搵唔到工，就黎山窮水盡。見到報紙廣告請人派傳單，唔理啦無錢開飯咩都做。 去到倉庫區見工，一個印度人面試，淨係問 Do you have confidence in your fitness? 老hi都話yes，佢跟住話派傳單計piece rate派一疊就$50澳紙，帶背囊準備聽日番工。  第2日，朝早6點半就去到報到，嚇一跳，有成20個傳單仔女準備開工。全部歐洲人無亞洲人，我心諗莫非係傳說中既白人工作，輕鬆賺!? 分配傳單個時先知一疊1000張!!!都算，澳紙仲有1兌7.3，1000張都有hkd$365。 我諗好策略，好似香港傳單阿姐，成疊dump Q落垃圾桶又爽賺$365 點知有GPS Tracking仲要2人一組，Shit!計劃失敗! 最後唯有認真咁派，仆街原來係派House，每間屋有成幾十米距離。我第一次感受到絕望，但等開飯只好努力跑。 跑下跑下已經幾個鐘，如果D人跑開全馬真係幾岩佢地，20kg負重跑步訓練仲有錢收Cry.... 仲好記得收工之後，隻腳震到企唔穩。 咁做落去唔係辦法! 之後巴士返屋企，叮一聲俾我諗到個方法...  下回待續

Hungry Jack即係香港Burger King 佢個app真係不得了，成日抽中免費華堡餐同埋$2澳幣套餐 年中都救番唔少backpacker

Sydney室內五人場，俾3個墨西哥人扭到我唔想再踢波 有無見過花式通坑渠? 俾人通完過埋之後，佢再跑番轉頭通多一次，個下真係覺得自己廢J

今日9下9下又一日，行動力不足真係壞習慣 窮撚未有工，可以點做？ 去woolworth或者coles買隻燒全雞，有時十蚊澳紙有找， 再買條一蚊方包，加homebrand mayonnaise。 食剩左既雞就可以攞黎做三明治，大概夠食兩至三日，廿蚊有找唔使煮😢 天將降大任於斯人也 必先苦其心志 勞其筋骨 餓其體膚 空乏其身 唔可以俾人睇死，敗走逃回香港!

話說尋晚臨訓前，響網上搵到有人落廣告，逢星期日有regular football meeting招人踢波。 咁岩好地點響隔離公園Glebe Jubilee Park。所以今朝一早就出門口，自從中七之後，都未試過踢8點半既波！ 今次目標好明確，期望可以識到本地朋友，同時可以滿足我對足球既生理需求 到場後只見幾個阿伯，我懷疑去錯場，但我響公園行左個圈都見唔到人。莫非個廣告係假？！ 之後見到阿伯拎左4、5個波出黎，成地龜背、飛碟，最勁係自己帶埋個迷你龍門( 要自己打釘入泥裡面)。當我見到佢地對足球既熱誠，團火即刻出黎，利申足球廢柴。 十分鐘後已經有成堆人黎左，大約20個，有老有嫩，大部分係本地人。最令人吃驚係我竟然係唯一既Chinese，要知道澳洲華人比例極高，差唔多每三個就有一個講普通話。 我地分左2隊9v9，見到對面有老人小孩，心諗一定好輕鬆。 唯一擔心係對面隊有個西班牙人，跑得好快好快，佢話以前踢過西班牙丙組青年軍。。。我地隊個阿佰笑住同我講:「細佬,睇我表演點tackle佢啦」 結果俾人cup到阿媽都唔識得 今日學到既野係全世界既廢老都係 講就兇狠，做就碌撚 旅程之後球技同肉體都有進步，但好似...好似同第一桶金既目標愈來愈遠...睇黎下星期唔會再去了，因為對住成堆好似打rugby既阿伯，我總覺得有很大機會受傷，我唔想第一個星期就斷腳被逼返港，一定被人笑到碌撚咁