燈力無邊

一直以來都深信買台積電(TSM)好過做定期，股市大升佢微升，股市大跌佢唔跌。最近2日，年尾股市調整成個市跌到好慘，台積電竟然穩如泰山。如果要等台GG回$100先入市，等ps5開賣可能仲快😏 提提大家1月14號TSM出業績，保守估計升5-10%。最近同台灣網友(台GG員工)交流過，訂單已經排到2022，佢哋賣腎同ot既頻率高左好多，各位最後上車機會，機會一去不復返。尋晚忍唔到手即刻入左幾手Call。暫時市場上無代替品，而且三星晶片普遍良率較低，所以我維持睇法2年內上$300。 雖然員工要OT賣腎，但佢對員工既待遇係多勞多得，完全係發財立品。 「台積電不只市值破12兆元登全球第11成為台灣「護國山神」，就連公司分紅也羨煞許多網友。日前有一位網友分享一串神秘數字「31、1.6Y、3.4M」，引發網友討論，原來這是台積電員工的職等、年資及本次拿到的分紅，知情網友推算後揭曉這位網友可以拿到至少41個月的花紅。 另外，台積電明年起將展開有史以來最大幅度的結構性調薪，調高薪金幅度約達20%。大學畢業的起薪大幅提高到4.56萬元至5.4萬元，加上每年平均分紅不少於一百萬元」 當台GG一個fresh grad都搵緊3萬幾蚊港紙，而台灣普遍fresh grad得7千蚊，你就知道TSM幾堅。 TSM Yes! 除咗投資既人有錢賺，更重要係見證台灣響世界影響力提高既重要一步，希望TSM可以帶領我地財務自由。 未來幾日會再分段入貨，目標要買到持倉30%以上

今日要講過故事，早起的小鳥有蟲吃。但很多時侯你以為自己是小鳥...其實你只是蟲，早起的蟲只會被早起的小鳥吃掉。所以除咗功課要做，入市更要冷靜。如果遇大跌市，我通常開市會睇定d，半個鐘後先做決定。 ---------------------------------------------- 尋晚研究緊9000億美元救市方案，我嘗試分析錢會流向邊個行業，咩股票會受惠。當中大約3500億會直接落入消費者手上，中小企出糧補助3250億，航空公司出糧160億，疫苗相關$700億，學校$1000億，交通$300億。 1) 疫苗股其實不太受惠，雖然疫苗支出有700億，但真正用於採購只有200億，其他都是執行疫苗計劃相關開支。 2) 航空股也不會受惠，160億救咁多間航空公司，杯水車薪。 3) 因之前州政府削減教育經費，學校收到的$1000億應全數用於支薪及為復課準備適合物資。 4) 至於中小企，叫得中小企大部份應該未上市，買唔到無討論價值。 5) 最大舊錢應該集中響消費者如何利用$3500億，但每個人消費模式很難估，現實唔到每個人會買咩。 但突然諗到，如果幫政府派錢收手續費賺錢，咁樣經手既錢可能唔止3500億，加上Trump ban左救市方案，要求加大派錢力度直接俾消費者。腦海中閃現出SQ<美國版支付寶>，重點係SQ已經拎左網上銀行牌照，有存款保障，拎錢禁錢超方便一個款搞掂，而佢主力業務移動式支付好強。佢個拍卡裝置非常輕便，可隨身攜帶讀取信用卡，而且收費便宜，深受小型商戶、小販歡迎，市佔率非常高，高到去美國鄉郊小鎮都人人用SQ。業務行創新路線，甚至可以買賣bitcon。 呢隻野由$90嫌貴嫌到$230都未入到，終於忍唔住$232入左少少，今日高位明日低位。希望未來可以將比例加大，變做3大持股之1。

  一直以來都重申，買台積電等於做定期，穩陣安全高回報，新手入美股坑倉內必備。因為你不知不覺間都是TSM的客戶，用緊既電腦無論你用AMD定Intel都係台積電生產，用緊既Apple手機處理器又係，唔好意思連所有Android手機高通芯片都係(除非你用華為😌)，準備買既PS5又係...作為全球第一既芯片制造廠，訂單已經排到2022年，技術上暫時係無取代品，掌握住人類科技文明發展速度。買股票就係要買d可以影響世界既公司。 利申：持有TSM及其Long Call，成本$70，佔倉10% 尋晚四巫日(見前日文章四巫日部署策略)，我深信係壓價殺Call，但$103又不想加正股，所以果斷做了TSM下月中到期$100SP，到時TSM高過$100，一個月收$2400零用錢，就算低過$100加倉都係好事。 四巫日整體表現同想像一樣，主要都係壓價收call皮，收盤後好多股都反彈，當中比較明顯係Amazon。尋日Amazon上演一幕華爾街大戰softbank，事源softbank老細孫正義不想努力了開始炒期權，重貨long call，當中amazon佔比好大，雖然無法得知Justice Son做左幾多錢同咩價位，但肯定尋晚係截數日。個市場好刻意地壓低過$3200，我估孫正義就係做左$3200 call，華爾街投行成晚一直沽，點知最後一個鐘孫正義及好友衝入場狂掃貨推高股價，推到最後一分鐘先趕得切$3201.65收市，我估softbank個操盤員嚇撚到瀨屎，差d輸左幾百億😂 利申：無持有Amazon，有時兩虎相爭，唔入場平常心食下花生都好睇

自從貪心指數破頂後，一直不敢再大手加倉。我想法是明明之前幾個月又便宜又多機會不買，反而破頂高價先進場，十居八九都會成爲韭菜，入市從來不應被購物氣氛帶著走，應該看你準備買的值不值。 今個月只做了很少交易，主要是短期期權賺點零用錢。由於之前套現現金太多，想做點Short Put賺賺零用錢。上次推介過Amazon後，一直找機會進場，本來打算在$3100做$3000的SP，後來發現做1股Amazon SP太貴，要二百幾萬港幣按金😑太大隻只好放棄了！剛好Facebook被調查處理個人資料問題下跌，在$270當日馬上做Facebook $255 SP 1月22到期，$6.5，收了$5000期權金，萬一接貨成本是$248.5，風險不高，一個月收$5000還可以吧。 之前大力推薦既PTON，前幾日宣佈列入納指100，當日盤前竟然無咩升過，只有1-2%，馬上$118加多一注，再整多手LC期權😎個人很看好它會翻一倍，現在已成爲我組合內最重倉持股。而且收到消息Pton台灣代工廠已加緊出貨，11月出貨量翻倍，營收自然也翻倍，十分期待下一次業績，應該很快$150。另外ASAN出左業績很靚，放心$28加注了，如果下次營收目標也達成，$50也不遠了。 明天四巫日(1年有4次，同一日4樣產品index future, index option, stock future, stock option結算日)，所以市況會比較波動，當日最好跌的不要賣，升的不要追，耐心找機會撿便宜貨。Check過TSM $105call未平倉合約有成9千張，比著我就一定會壓價，壓多日可以全部割佢地韭菜。所以聽日如果睇到都係$105以下，好大機會係壓緊價，而當聽日之後失去壓價誘因，可能會升like a rocket。所以我部署策略會係聽日TSM貼緊$103或以下時，做幾張$100 SP，而且同時入多200-300正股。 認真，買台積電驚hi？ 穩陣過做定期，利申持貨成本$7x😋

其實入貨次數唔需要多，歷史告訴我地Strong hold幾年會成為最後贏家，通漲、利率寬鬆、成熟體系，令美股處於一個長期獲利既狀態，SP500長遠只會愈來愈高，但我地都唔可以忽略買入點既重要性。雖然我唔建議頻繁交易，但適當既時間點買賣都係風險管理既一種。 上圖為標準普爾500指數 下圖為民間自制既貪婪恐懼指數 你會發現當市場極度恐懼低於20分，通常獲利機會好大，而極度貪婪高於80分就要準備分段出貨割韭菜。今日係63分，所以打機好過😂 作為其中一個參考指標，大家唔知點算既時候，不妨bookmark佢睇睇市場氣氛是否過熱。 https://money.cnn.com/data/fear-and-greed/

投資一定要有自己套系統，岩岩開始就算抄人套系統都得，但最終都要研究出方向。所謂系統，我會形容為由好多rules組成，強逼自己一定要跟從既原則。無系統既人好容易唔夠信念，最後淪落到跌市出貨、摸頂入貨，成為散戶韭菜。 建立系統第一樣，先審視自己總資產，有幾多可以拎黎投資，有幾多生活應急錢(建議最少保留半年日常支出所需或者3個月左右月薪)。之後，再制定投資目標回報率，睇下自己本身每月可儲幾錢，如果你拎黎投資舊錢可以響2年內就儲到，即係個本唔夠大。我建議設定高回報既目標，例如一年20%以上，輸左都好快儲回。如果過百萬，目標定6%已經不錯。 第二，投資回報目標決定了適合你的投資工具。基本上要10%以上，都需要參與股票以及期權買賣。以上所指係美股期權，如果參與港股的話，應避免衍生金融工具，因為香港期權市場太細，買賣價經常出現超大差距甚至無人開價。而當組合過百萬就可以分配部分固定收益產品(一般大約4-8%左右)，例如債券、優先股、REITS，再加入適量指數股票型基金(ETF)，減低個股對組合影響。 第三，係資金分配。由於美股升得太勁，一直擔心有回調，所以我唔會100%滿倉，或者開孖展。我會保持20-30%加倉資金，俾自己走位。而市況波動時，選美國總統前，我更會調整至60-70%現金，期望低位入市。至於買入股票數目，應視乎本金分配，50萬以下可能頂多持有4-6隻股，例如我有50萬，諗住入5隻股，再設定一隻股最多可佔組合比例幾多，如40%，即係單一持股最多只能20萬，佢升超過組合既40%就要出d貨。至於，500萬以下頂多持有15-20隻股/債。 第四，分配入市注碼。就算我幾想入一隻股都唔會一次過入，一定要分段。例如，我有50萬，目標要買tsm去到我組合既40%，即係20萬，如升市時我會拆5注入市(即係每注4萬)，跌市時我會拆10注入市(即係每注2萬)，因爲大跌市時永遠唔知底部響邊，有機會岩岩先開始跌，反而升市可以乘風破浪，不用拆得太多注。每一注相距5%以內。 第五，設止蝕位/補倉位。由於嚴重虧損，會令購買力下降。例如股票跌10%，要升11%先返上岸。跌20%要升25%，跌30%要升43%！所以，要設止蝕位保持購買力，大部份人set 8%-15%，但我認為自己選股都優秀可以長揸，我會set20%，一旦跌超過20%，有信心就加碼令loss%下跌，如果已經無錢加碼一定要放。因為再下殺至30...

上篇講到疫苗股BNTX既部署，而家講下疫苗對後市有咩啟示，由於疫苗面世普及最快要明年底，經濟復甦要下年年底財報先會反映。現階段炒左上去既舊經濟股(指地產、零售、能源、傳統工業、金融產業)，應該好快回落。響過去一年，人已經開始習慣新消費模式，新經濟股(互聯網金融、雲端、高科技產業、新能源)亦已經大升一年，有幸3月時入貨的話，應該都有50%-100%以上回報。現時回調少少實在不存在大跌一說，而且我好質疑疫情結束後是否所有舊經濟股都能回復當年勇。例如，能源、零售應該開始走下坡。 無可否認，受惠美國印錢，多左既購買力將會湧入資產市場，美國既地產市場同建築產業應該會迎黎一個小陽春。未來幾年應該類似2012年後既香港，美國樓價會爆發性增長，看好建築地產商DHI，綜合房地產封閉型基金RQI。當中RQI更屬穩陣投資，屬於cef既一種，每月派息，稅後年息大概5.8%，詳情請看Kano blog 介紹! 但今天並不是上述股票加倉既好時機，舊經濟股回調先慢慢考慮。 今日既主角係疫情受惠股，部份新經濟股(如Zoom)有機會再大跌，始終疫情完左之後，video開會亦會減少，可能得番跨國會議先用。另外TDOC係online睇醫生服務，客量相信都會減少。 但你諗下，疫情完結你會唔會唔打機先？雲端服務會唔會受影響？你就知道今日跌市尋寶要搵咩😎由於疫情受惠股大跌，無貨既朋友今天係加倉好時機，記住記住要分幾注分幾日入貨，諗賺錢之前要先諗輸錢既機會。 應該有聽過廢老巴菲特講過「別人恐懼我貪婪」吧!美股貪婪恐懼指數可以幫忙判斷市況是否過熱或超賣。暫時58距離我第一個警示70仲有好多距離，市況不算過熱，可判斷為無須減倉。

話說今日宣佈BNTX疫苗有效，所有舊經濟股大升，疫情受惠股大跌。唔係馬後炮，我6月就知BNTX有效，由$90溝貨溝到$50，最夠疆試過溝到60萬貨。後尾轉倉換馬先分段沽出，但絕對係拯救我脫離熔斷之苦既大功臣之一。 對BNTX睇法係，如果無效就唔會6、7月已經拎到十幾個國家既幾十億支疫苗訂單。8月拎埋德國政府資助，9月買多間廠，你話第測試唔work都無人唔信，一切都有跡可尋。陰謀論睇只係要大選之後先公佈，費時過早宣佈有效，變左Trump領功，一陣得罪哂民主黨、中國、德國班左膠。 已持有BNTX者，可以讓子彈繼續飛一陣，下年正式出貨嗰時應該輕鬆上$130-150，但始終首隻武肺疫苗有太多變數，萬一病毒變種、大部分人抗拒打疫苗、疫情未能控制，股價將會大跌。 不過又唔使over worry，始終全球經濟都靠佢，如果佢都死，全世界攬炒。至於賣出時機應該係正式出貨至季度財報之間，因為賣得多唔代表賺得多，尤其係戰略物資，加上佢亦將研發成本攤分左幾年，所以開始賣出疫苗既第一季，財報帳面利潤應該非常差。

仲唔捉到你個咸濕仔，入黎昅女 無錯，今日就係要介紹一隻名正言順昅女既健身單車股Peloton (PTON)。一年前新上市既股票究竟有咩能耐？可以被稱爲健身界既Apple+Netflix，一年大升左6倍。 佢業務除咗賣附有屏幕既健身單車，最賺錢係設計好多訓練課程，更有線上直播的健身教學課程，可以選揀唔同既靚女型仔教練，毒撚同女神互動既時間唔係錢可以衡量😂 月費計劃令公司有穩定現金流，而且9成用户一旦開始subscription就變成忠心客戶。公司仲好識marketing，搞電視節目將最受歡迎既教練放上去做真人show。有無想像過可以選AKB48或者大奶奶同你一齊踩單車，幫你打氣嗰時講句我唔鐘意肥豬，個人即刻充滿動力自動減肥啦屌。另外，佢價錢比起去gym房平好多usd39一個月訂閱費，任睇大奶奶，加上疫情關係家中運動真係fit哂，營運模式好似Apple靠Apple store賺錢。所以PTON用戶黏性好高，現時有1百萬人訂閱，之前有統計指全球有2億人買gym會籍，即是玩Peloton只佔了活躍健身人口既0.5%，保守推算即使搶5%市佔，股價都可以翻10倍。 以下個人評價(愈多⭐愈好,10⭐滿分) 現價係$118，估值仍然屬於便宜。如果今晚收市後出既業績做好，下年上半年應該輕鬆上$300。估值我比8⭐ 但相比起TSM同TSLA，PTON係新上市公司業務未完全成熟，穩陣程度上我俾3⭐，股價好容易大上大落，如果無閒錢我唔建議大手入。 業務成長可能性，股價爆發力都有9⭐ 所以，我今次做左1股期權Long Call， 2年後股價$100，期權俾$38，即係usd$3800，即係2年後隻野升多個$138就賺錢，感覺贏面大，萬一升到$500，就輕鬆袋30萬港幣。

今日要讀個故事，從前cpu界有3大巨頭amd, intel, apple，顯卡界有nvidia, amd，大家鬥得你死我活，由32nm晶片鬥到5nm，最後台積電(TSM)包攬以上所有公司既晶片制作。完！ 利申：每次TSM一到$80左右會再加倉，2年睇$120左右 TSMYes!  升得慢跌得慢岩新手! 你今日入左未？

Tesla無人不識，關鍵係你有無信仰可以克服到佢個超離地估值。作為Tesla大好友，介紹一下，佢市盈率800倍，即係公司要keep住賺800年既錢先去到佢而家4000億市值。 不過，老細Elon Musk係萬中無一商業奇才，由Paypal創辦人至幾間科技公司老闆都搞得有聲有色，佢創辦既Space X研發出可回收重用全球最平造價火箭，甚至進行緊Starlink衞星計劃，即係射幾千粒人造衞星圍繞地球，提供全球互聯網服務，一旦事成全球電訊公司將會出現危機。 Elon Musk就係咁癲，佢講過佢每參加一個領域，就係要將舊有事物完全淘汰。佢提出電動車將會取代燃料汽車，當幾年後Tesla研發左自動駕駛系統，壓低新車成本去到幾萬蚊一部車，我估周街都係Tesla。 是咁的，由於正股最近開始無咩大升既動力，同埋我係長遠睇好Tesla，所以買左張十幾萬既2年後到期既TSLA long call期權，連埋正股仲有ARKK，應該有成30萬tsla。假如2年後tsla上到$1500，就大概淨賺130萬🤤 如果大家未咁有信心玩期權，推介大家$400樓下可以開始收集正股，幾年後一定有驚喜的 睇到呢到各位變左信徒既，一齊讀一次先! 我們在美國的父， 願人都尊你的名為鋼鐵俠， 願你的Space X降臨， 願你的Tesla行在地上， 如同Starlink行在天上。 我們晚晚炒的美股， 今日分拆給我們； 接上我們的大腦， 如同我們接上電腦的接口。 不要叫我們遇見熊市， 救我們脫離貧窮； 因為火星，地球，月球，全是你的， 直到永遠。 阿們。 作為經歷4次熔斷既男人，有信仰唔怕! 信政府，唔怕!  ... ... ...SOR我係信美國政府😂

今個月發神經，個市痴Q左線  之前研究的選股，開始進入收成期    美股組合 佔組合比例 BNTX 6.87% TSM 5.37% MELI 5.37% SDGR 3.14% CHGG 2.36% SQ 2.15% ARKK 1.52% TDOC 1.45% PINS 1.37% TTWO 1.37% CRWD 1.36% DDOG 1.35% FSLY 1.24% AAPL 1.15% ZM 0.78% CELH 0.75% GS 0.67% PLTR 0.31% 收息組合 佔組合比例 ALIN   PRE   8.875   (2,5,8,11月派息) 7.33% X   Corp   6.875   Aug15'24   (2,8月派息) 2.44% WPG   Corp   5.95   Aug15'25   (2,8月派息) 1.87% RQI   (每月派息) 1.84% GEO   5.875   Jan15'22   (1,6月派息) 1.62% GEO   5.125   Apr1'23   (4,10月派息) 1.39% PTY   (每月派息) 1.07%   TSM 繼續 吹奏!下年肯定輕鬆上$120! 有部分股無出現響持倉，原因係一個月內已賣左。最開心係估中好多選股，當中BYND賣得太早，下次可檢討下有無必要咁早賣咁高現金比例。另外BNTX開始漸入佳境，研究左好耐$65買入，愈來愈多消息暗示佢會成功，暫時BNTX帳面賺緊10%，目標係翻2倍，即係100%😎 組合中幾乎都是升呀賺呀，唯獨是SDGR被市場拋售，帳面低見-25%。由於我對此股尚有信心，有潛力改變 世界，所以會找機會溝貨。 另外，ARKK會開始適量加倉，此主動形基金股由超級基金經理人 Cathie Wood打理，只需付出0.75%管理費，每年增長高達100%!!!相比之下MPF真係食得屎💩 另外...