燈力無邊

留響城市搵唔到工，就黎山窮水盡。見到報紙廣告請人派傳單，唔理啦無錢開飯咩都做。 去到倉庫區見工，一個印度人面試，淨係問 Do you have confidence in your fitness? 老hi都話yes，佢跟住話派傳單計piece rate派一疊就$50澳紙，帶背囊準備聽日番工。  第2日，朝早6點半就去到報到，嚇一跳，有成20個傳單仔女準備開工。全部歐洲人無亞洲人，我心諗莫非係傳說中既白人工作，輕鬆賺!? 分配傳單個時先知一疊1000張!!!都算，澳紙仲有1兌7.3，1000張都有hkd$365。 我諗好策略，好似香港傳單阿姐，成疊dump Q落垃圾桶又爽賺$365 點知有GPS Tracking仲要2人一組，Shit!計劃失敗! 最後唯有認真咁派，仆街原來係派House，每間屋有成幾十米距離。我第一次感受到絕望，但等開飯只好努力跑。 跑下跑下已經幾個鐘，如果D人跑開全馬真係幾岩佢地，20kg負重跑步訓練仲有錢收Cry.... 仲好記得收工之後，隻腳震到企唔穩。 咁做落去唔係辦法! 之後巴士返屋企，叮一聲俾我諗到個方法...  下回待續

Hungry Jack即係香港Burger King 佢個app真係不得了，成日抽中免費華堡餐同埋$2澳幣套餐 年中都救番唔少backpacker

Sydney室內五人場，俾3個墨西哥人扭到我唔想再踢波 有無見過花式通坑渠? 俾人通完過埋之後，佢再跑番轉頭通多一次，個下真係覺得自己廢J

今日9下9下又一日，行動力不足真係壞習慣 窮撚未有工，可以點做？ 去woolworth或者coles買隻燒全雞，有時十蚊澳紙有找， 再買條一蚊方包，加homebrand mayonnaise。 食剩左既雞就可以攞黎做三明治，大概夠食兩至三日，廿蚊有找唔使煮😢 天將降大任於斯人也 必先苦其心志 勞其筋骨 餓其體膚 空乏其身 唔可以俾人睇死，敗走逃回香港!

話說尋晚臨訓前，響網上搵到有人落廣告，逢星期日有regular football meeting招人踢波。 咁岩好地點響隔離公園Glebe Jubilee Park。所以今朝一早就出門口，自從中七之後，都未試過踢8點半既波！ 今次目標好明確，期望可以識到本地朋友，同時可以滿足我對足球既生理需求 到場後只見幾個阿伯，我懷疑去錯場，但我響公園行左個圈都見唔到人。莫非個廣告係假？！ 之後見到阿伯拎左4、5個波出黎，成地龜背、飛碟，最勁係自己帶埋個迷你龍門( 要自己打釘入泥裡面)。當我見到佢地對足球既熱誠，團火即刻出黎，利申足球廢柴。 十分鐘後已經有成堆人黎左，大約20個，有老有嫩，大部分係本地人。最令人吃驚係我竟然係唯一既Chinese，要知道澳洲華人比例極高，差唔多每三個就有一個講普通話。 我地分左2隊9v9，見到對面有老人小孩，心諗一定好輕鬆。 唯一擔心係對面隊有個西班牙人，跑得好快好快，佢話以前踢過西班牙丙組青年軍。。。我地隊個阿佰笑住同我講:「細佬,睇我表演點tackle佢啦」 結果俾人cup到阿媽都唔識得 今日學到既野係全世界既廢老都係 講就兇狠，做就碌撚 旅程之後球技同肉體都有進步，但好似...好似同第一桶金既目標愈來愈遠...睇黎下星期唔會再去了，因為對住成堆好似打rugby既阿伯，我總覺得有很大機會受傷，我唔想第一個星期就斷腳被逼返港，一定被人笑到碌撚咁

對面床位又無人，繼續霸哂間4人房。 另一方面，今日天氣好凍，唔想郁。心裡又安慰自己今日星期六，無人會去搵工架啦。 正打算毒響房入面一日，先發現無乾糧，呢個問題好嚴重，尤其對於唔想郁既人黎講！所以快快手食完營多撈面就出發。 **一講起營多撈面，就勾起我好多既回憶。大學住宿舍幾年期間，已經數唔出自己食左幾多包營多。如果營多請跨國推廣大使既話，請聯絡我，謝謝** 岩岩講到出發去買野，又要行2公里，感覺對腳響澳洲鍛煉得唔錯。今次響coles買左一條$1方包(好難食)，一支$2 2L奶，同埋洗頭水。 夜晚去食左條Subway，返宿舍沖涼先發現重覆犯錯，又買多支護髮素返黎shittttt 唉...會唔會買第3支架...頂... 今日了解左3件事： 第一，意識到平時日常生活太多鎖碎既事情，原來已經有屋企人幫我地做哂，無諗到平常買餸、買物資係咁麻煩 第二，我唔應該再浪費時間響每日行4公里度。屋租太貴了，要盡快搵屋先，再搵工。如果有機會，就買架車代步。 第三，我好掛住每個星期有波踢既日子。所以聽日要響澳洲搵隊波踢下(first priority)

今日要把握時間出市中心處理銀行、電話卡之類。 所以一早就起身，已經係下午2點，發現對面床個人已經check out左。期待下次新roommate出現可以多2句對白。 由於機場訓左日，尋日又即刻訓，2日無沖涼，so sad。想沖發現無沐浴露同洗頭水供應，所以又要行2公里到大型超市Coles買野。見到大減價，即刻買左支$2洗頭水同$2沐浴露，仲有$2一袋5包營多撈面，好感動！ 點知行幾步就見到雜貨outlet，超平，洗頭水$1...diuuuuuuu 4點半趕去澳洲銀行NAB開戶。全個分行得5個職員，但有4個香港人，另1個係大陸人。幫我開戶口既係個大陸人，岩岩係澳洲大學畢業。佢第一次處理海外人士開戶口，手忙腳亂，嚇到我無咩信心。好彩最後都整到，將我剩餘大部份既錢都放哂入卡。但我估唔到之後會發生災難性既慘劇：( 眨下眼，5點幾就天黑。晚餐方面，YHA今晚有個免費BBQ之夜，我緊係報名狂食。當晚上到天台，見到有好多外國人，分左兩批。一批係crazy既，一批係想靜靜地傾下計。我係第三批，想自己毒毒地食免費大餐 過程中發現左原來青年旅舍最多既唔係青年，而係好多60-70歲既老人。 **重點** 到了沖涼時間，好開心拎住新洗頭水同沐浴露出發。點知，買錯左支護髮素返黎！！！ 結果今日眨下眼又hea左一日，仍未開始搵工同搵屋

到達悉尼機場，第一件事係拎紙巾出黎抹鼻涕。 雖然一早知道香港同澳洲天氣相反，但無諗到7月可以由30度變6度咁誇張，搞到病病地。 另一方面，響新加坡水機係咁飲係咁飲，黎到澳洲又買左成支spring water(中文叫...)，最後水土不服。。。 之後決定先住幾日YHA再搵屋。因為拎住寥寥可數既現金，所以唔撘火車唔撘的士，用2個鐘轉3次巴士，到達原本25分鐘就到既目的地Glebe！ 去到原本諗住訓3晚就算，點知reception哥哥話訓一星期就送無限上網。 心諗咁筍？就租左1星期，後來先知價錢比出面share house貴兩倍既青年旅舍，仲要係4人房呀。。。頂。。。 點知，入到房無人喎！唔理啦，機場訓得咁差，訓醒先講。一訓就訓到夜晚7點，起身見到對面碌架床有一個人。咦？係個鬼妹喎。我即刻同佢say左個hi，鍛煉下英文先。 咁之後點？你覺得會有咩發生？ 佢同我既交流就停留左第一句個Hi度。之後都仲有個Bye，佢第2朝就閃左。總共兩句。 7點幾，我就出去搵野食醫肚。不斷行啊行，唔知行左幾耐。終於搵到個food court，買左份收鋪前特價晚餐炒飯。由港元變澳元個下，都幾難調整心態，因為所有野都真係幾唔抵。 響一剎那，我眼泛淚光，明白到粒粒皆辛苦既道理，連平時唔食既雞皮都食哂。 明明我過黎想賺第一桶金，點解生活過得咁 兜踎... 返到宿舍，Google map發現竟然行左2公里去食個飯，再2公里行返黎。如果每餐行4公里來回，會否太過分？ 睇黎聽日要開始煮飯食

坐scoot去新加坡樟宜機場轉機，逗留15個鐘再去悉尼。 年青既肉體係唔需要休息，中間轉機呢段時間可以周圍搵野玩，機場有free wifi，算幾快，又有得免費睇戲，免費打機ps4，但訓機場認真辛苦，訓得好差，好彩最後響第二航廈發現人間樂土 (E11)，個睡眠區躺椅超爽。 2019年4月更新,網上其他後補有關機場設施資料by tripresso 轉機過夜都免驚！ 新加坡樟宜機場 美食購物全攻略

1.機票 -買酷航去悉尼連稅+20kg行李，單程$1900(背水一戰) 2.簽證 -網上收大概$3100(AU$424.54)+照肺$450(搵笨) 3.處理電話費 -出發離合約完，仲有4個月，又想保留番號碼。周圍搵下企街Sales，幫我4個月後自動轉儲值卡$48,半年後網上充值一次$50就OK。 4.車牌 -出發前記住記住考左車, 方便好多, 搵左好耐資料, P牌可以當地駕駛。 -國際牌，唔整都無問題，照揸到。 5.衫褲鞋襪 -唔好帶咁多, 其實澳洲大部分野都好平, 基本上當地超級市場同百貨有賣既都唔需要帶黎 -俾個range你參考下, 7月份k-mart價錢, 拖鞋AU$1-7, 長短袖T-shirt AU$5-10, 鞋款多過鞋鋪 6.溫水壺, 睡袋 -好有用 7.隱型眼鏡 -澳洲賣得好貴 8.食物 -無必要帶, 帶少少餅乾同朱古力充饑就夠 9.外幣(澳元/新加坡) -最抵係銀行TT rate,但每日只能拎AU$500, 要分幾次拎, 否則有手續費就唔抵 -重慶大廈singapore找換店好抵, 價位靚過百年, 切記先打電話問價, 打多幾次問會唔同價, 可以拎佢最低既價買, 如果即場買會貴 -如果轉機新加坡有一段時間既話, 最好唱定$50-100坡紙旁 10.保險 Working Hoilday 保險2013年買，$4500一年，包極限運動、工傷、唔見野、醫療住院

很久以前，當每次鑽牛角尖的時侯，總會在想人生的目標。 曾經覺得好好讀書，將來可以好好享受。因為當時的思路是 小學努力讀書->中學努力讀書->大學努力讀書->得到高薪工作->累績了財富->享樂 後來發現 小學努力讀書->中學努力讀書->(非3大非專科)大學努力讀書->得到中學畢業生工作->根本累績不了財富 這是不是讀書無用呢? 可以肯定的答你，這個問題絕對錯。 讀大學時開發左獨立思考能力，了解自己人生意義。但講前途的話，除非讀專科做專才，財富肯定累積到。但讀了其他濕9學系既通才真係靠4分運氣,3分努力,3分銷售技巧... 4分運氣: 遇唔遇到好公司好待遇 3分努力: 就睇你有幾努力去send CV，一百封無好野，就send夠一千封 3分銷售技巧: 無論甚麼類型的工作，都需要銷售技巧，賣貨、賣人脈、賣自己、賣屎忽，唔識講野既人已經輸響起跑線。 非常巧合，我就係唔識講野既人...一個普通濕鳩大學畢業生，住公屋無家底無父幹，點先可以脫離工作既輪迴? 如果目標是財務自由，要開始增加財富，大概$1200萬現金/資產，只要6%回報就能制造6萬蚊一個月的被動收入吧。 畢業後轉過幾行，都找不到自己喜歡的工作，無論係人工定成功感都俾唔到我。之後學習股票牛熊窩輪、網上買賣小生意，但無奈資金少，決定一邊全職一邊番幾份兼職，距離$1200萬太少。那年2013年，聽到身邊有朋友從澳洲工作假期回來賺了第一桶金，回港就租鋪開餐廳做老闆。既然自己都不清楚工作方向，講句難聽d，sales、文員仔呢d低技術工種就算quit左都好易搵得番，何不出外 闖 闖，發掘新機會。 我決定了去澳洲工作假期! 離開自己的Comfort Zone! 過程中有很多反對聲音，之後旅程肯定千辛萬苦，但要記住... 自己人生自己作主，別讓別人來衡量自己的人生意義。