燈力無邊

雖然知道低息+QE一定會通脹，但有無發現最近物價上升速度真的很快。巴士MTR加價，牌費加價，車位租金加價，連咁多年來作為窮撚通脹指標金拱門都加。錢真係愈來愈唔值錢，唔投資就等住資產貶值... 投資可以好多類型，唔一定做定期、買股買債，買樓又得，買bitcoin又得，買撈亦得，甚至買名畫都得。只要深入研究，有回報就係好投資。 介紹一下，現金流流派年回報 1%-2%以下(無風險投資)：定期、國債 2%：買樓收租(未扣成本)、企業債(AAA) 4%：企業債券(A-B)、REITS 8%：垃圾債、CEF、優先股 >10%：債基(槓桿買債) 但在下愚見，現金流一派既盲點，就係賺息蝕價，而且大跌市來臨時亦不能倖免，上年3月就瀨左次野。同樣，買樓收租同買股票收息一樣，食之無味棄之可惜，因為買樓主要係為左做10倍槓桿賺價差。至於Full pay買樓嗰d，真係唔知做乜鳩，但係係型既😎 (先要了解回報跟風險是正比例) 賺價投資例子 1)ETF係新手老手大量資產投資恩物，如果唔想煩，懶人投資法一定係ETF。選ETF最緊要睇基金持倉、回報歷史、手續費，睇完就去得馬，好輕鬆。 - 低風險ETF(QQQ, SPY, VTI)：8%-20% 人生苦短，如果嫌ETF賺太慢，可以買下d高風險產業ETF或者3倍槓桿ETF，可以一晚來回地獄又折返人間 - 高風險ETF(ARK, HERO, YOLO, SOXL, NAIL)：+- 200% 2) Bitcoin：unknown%，但我對bitcoin非常非常樂觀，樂觀到想寫一篇文章講下對bitcoin睇法。如果之後有一個好既入場點，會一口氣買5%身家 3)優先股/債：其實賺息係其次，大跌市食價差可以一口氣執30-100%，但機會不多 4)外匯：感覺效率不高，但適當時候玩下都幾好，前年脫歐都入左幾萬英鎊，但主要係拎黎買英股同轉貨幣，前年ib借日元同歐元平 5)期權、期指：好難講，高手可以好勁1個月賺你2年人工，低手可以輸身家。我主要玩期權，買方賣方都有做，尤其賣方可以為你帶來穩定收入/定期套現獲利既機會，值得花時間研究下 6)港股窩輪/牛熊：聽話啦，講過好多次，庄家完全控制成交量，價差闊過大西洋，呢場係唔公平既遊戲，唔好再送錢俾庄家 7)樓/車位：雖然我無買樓，但我從來唔睇淡樓市，任何野都講時機，只係我認為現階段股市回報會更好，不排除之後take...

股市見到愈來愈多股市老師跑出來收費，說自己賺多少賺多少，其實完全沒有意義🥱最可怕是收費超貴，萬幾蚊一個月，吃相比較難看。明明知道買料都是新手，如果新手本金一開始就被吃掉大部份，怎麼去投資? 新手亦有責任去自主學習，買料是不會成長的。 其實我不反對訂閱制，畢竟研究寫文都要時間成本。我為了節省時間找新的成長股，本身也有訂閱幾個blogger。收費都只是每個月一餐飯錢，但可以訂幾個不同領域的專家，有寫債券的，有正職在矽谷當程式設計員專寫saas科技股，有正職在台職電工作對半導體很熟的，他們寫的專業知識，補足了我對該行業的盲點。當中透過美股軍師認識了一個美國的blogger。Saul大神，他是一個70歲美國阿伯，專業投資者，30年投資心得非常推薦學習。 Saul從來不會提自己賺多少。雖然Saul不提賺多少，但大家都知道他從1993年開始投資年平均年回報接近50%，至今起碼賺了幾億美元。但他認為每人本金有多有少，比較沒意義，投資的事要自己負責，絶不能遷怪任何人。重點應該放在研究股票的前境，鼓勵大家一起發表看法，學習成長，所以他這麼多年來都是免費分享，完全是我學習目標。 好野緊係要分享，以下係部份有關注的投資界高手:

我認為樓價係唔會跌。全世界都面對緊QE後，熱錢流入資產上升既壓力。全世界發債派錢，由政府埋單欠錢，還富於民再響有錢佬身上加稅。好似2009年後QE嗰時，屋企人20萬買左個車位，當時租金回報有成10%一年，作為一個持續穩定地帶來高現金流既資產，投資者一定會大量購入，令價格上升直至回報率同其他投資工具相約。租金決定了長遠價格/真正價值，結果2011年開始樓價就成支火箭咁衝左咁多年。就算之後有雙倍印花稅，交易費用加幾多都好，最終只有供應同需求決定到交易量和市場價格。 香港一直都係由發展商控制供應量，政府再配合玩高地價，建築成本加地價都佔左樓價60-75%，再加發展商利潤15%-30%，加銷售開支10%。佢買地番黎開發都咁貴，跟本平唔到幾多俾你；就算投到塊平地，佢新樓定價都係跟番市場格價，會唔會無啦啦益你先？ 如果真心要解決樓價問題，其實好簡單。響需求方面落手，想樓價跌，強制響該區份起多幾座墳場、殯儀館、垃圾堆田區、核電廠。購買意慾即時下跌，樓價肯定立即反映到😉 ---------------------- 4月台灣推出左加辣版房地合一稅。短期2年內賣出物業，利潤要徵稅45%，5年內要徵35%，10年以上都要徵15%😳 但我認爲最後會同香港一樣，阻止不了樓價上升，始終華人愛磚頭 雖然現在香港租金回報已經不高，只有2%左右，但如果你睇過大陸樓、澳門樓，你就知道香港樓回報仲係高成30%左右。要香港省回報率同深圳澳門同步，可能仲有一段上升空間。 市場上一部份人相信可能係投資熱錢需求追逐入市，令港樓樓價會逐漸上升；亦有人相信因爲最近一年租金下滑令回報率下跌，租金回報支撑唔到樓價上升，投資者錢會流入股市；而我個人傾向相信短期內政府一系列既on9政策比起辣招更加起到抑壓樓價既作用😂 當美國派緊錢振興經濟，香港作為反美基地，緊係反行其道，要取富於民，無派錢之餘，仲加左股票印花稅、減左免稅額度，又一直放風研究緊消費稅、資本利得稅。其實幾多人失業，幾多人死who fuckin cares，最緊要諗方法cap盡你地，再洗哂嗰萬億儲備，幫上面回到血先係做到野。之後幾年維尼回血劍，肯定會逐個斬，斬完亞里巴巴，斬中概股，斬香港人... 支持本土漫畫家sowinghong Credit:  https://www.facebook.com/acitystory/

最近辭左職，開始全職投資。其實都幾掙扎，放棄左50萬年薪，但我相信人生有好多可能性，願意相信自己去博一博，失敗左大不了咪再黎過。因為當初定下5年儲1500萬，靠返工點計都計唔到，反而投資收入慢慢超過人工。不如先專心強化投資技能，會畢生受用。 而家辦工時間由朝8晚5變左晚7朝4，發現其實唔係多左好多時間，但我好enjoy睇年報、畫圖同分析，比起之前份工作更有心。訓到中午起身，落會所做gym跑步，跟住有幾個鐘既me time，可以睇下書寫下文，而家可以全面回歸寫blog... 呢半年發生左好多野，本身自己都有keep住寫野既習慣，最後都係發現blog最易整理同回顧。最近會慢慢將所有舊文搬回來! 文章主要for 自己整理思路，反思當初買入理由用。

花生　瘋與癲　觀眾都接受  他生　再夢遊　北斗  揮一筆　刻一骨  記錄這生　狂　人　自　剖 ---------------------------------------------------------------- 有人問我升左啦喎放得未，就咁睇呢幾個月跌幅可能都price in哂加稅影響，既然我成個下跌周期strong hold食哂，而家先(可能)上升周期唔係回一回血，賺少少就走呀麻... 嘩哈哈哈哈...信仰股to the mooooooon🚀🌕 今日手上十幾張PTON Call都升了30%，廿幾張TSM Call都升了15%，TSLA同MELI 隻SP已經食左20萬，我估9月到期前嗰55萬都袋袋平安。YTD一下翻正，感動得淚流滿面😭 2個月內坐完過山車YTD return:  +34%-> -10%-> -21%-> -3%->-25% -> 4% ---------------------------------------------------------------- 黎緊會執執個倉佢，想響一個好timing，出緊d SPAC股，始終今年勢不在此，要炒到無野好炒，市場資金先會返去SPAC。然後再加大SQ、TSLA 短線會加大疫情股比例，要武漢肺炎完全消失好難，假設真係一切回復正常，就無咩事發生，但中間只要有一個消息話災情無咁快完或者變種，疫情股就會即刻黎料... 長線都係加半導體、電動車、物業收租/建築股，想穩陣入半導體etf SMH(主力TSM)，進取少少直接買龍頭個股(TSM, ASML, NVDA)；電動車要入手一定是TSLA，無論車子品牌價值、開發進度、性能售價、專用快充充電椿、自動駕駛、CEO個人魅力，護城河都比同業深超級多... 但以上講既都好驚加息或者QE結束，將會響2年之內發生，屆時股價可能出現高達30%調整。

 太空概念ETF ARKX公佈左成份股🚀 一如預期最大倉位TRMB(天寶)。原先以為第2位係LMT(國防/太空股)，結果係第7位，最估唔到竟然第2位係PRNT(ARK另一隻etf追蹤3D打印業)，契媽夠疆響一隻etf裡面買番自己另一隻etf先啦😒 至於，第三、四位都穩陣，KTOS同LHX都係國防航天股 但最恐怖既事出現了！！！ 第五位：京東😱 吹到送貨上太空，送一成都死 再睇真D，成份股仲有騰訊同美團先啦，成件事即刻好科幻... 咩話，連netflix都有！？都岩既，太空旅行飛咁耐都要睇下netflix既 其實...契媽...呀...唔係...臭雞... 唔好當我地on9好喎...係咪奶共奶到傻Q左... 谷鳩氣😡😡😡 不問價全沽ARKK、ARKG、ARKQ、ARKF，輸十幾萬好過俾舊錢佢亂玩。 遲d佢再亂黎，我會加入空軍short爆佢。 https://ark-funds.com/wp-content/fundsiteliterature/holdings/ARK_SPACE_EXPLORATION_&_INNOVATION_ETF_ARKX_HOLDINGS.pdf