燈力無邊

現在明明是經濟復甦期，但大市把擔心加息一事，硬要說成在復甦期進入繁榮期... 如果只跌科技股還可以說是調整，但經濟復甦受惠股也一起跌時，就是亂跌一通。 現在Fear Greed指數由上週的75降至48，大家都在恐慌減持，如果下周再插多一野，Fear指數落到3x，應該就係真底，請大家在下周準備好2021年最靚的買入點，要他媽的買爆買滿😃 如果而家無風險利率郁一郁，你已經驚到覺得係股災，遲d QE玩完開始縮表(2年內)，你到時應該驚到賴左屎😂 你估SH真係靠信念，信念係建立響知識基礎上面，weekend抽時間重新審視成個portfolio，換馬去部份殺得太慘既股票，而高成長、基本面不變的公司繼續SH😎🤚💎🚀 但現階段我不會做太多操作，可能會將手上short put roll倉，但不會賣出。如果而家出場了，假設成功躲過大跌，你仲要判斷什麼時間再進場... 等於一次大跌中，要判斷正確兩次...太難了，我就辦不到.... 當手上高成長股回調30%就差不多完，而家overall落左15-20%，再忍多1、2個浪，做番幾十張Long Call，個世界就係你架啦🥺🥺🥺 ...我勸妳早點歸去妳說妳不想歸去...唯有繼續哭 

經歷4次熔斷男人既小建議。 1) 不要恐慌性賣出 2) 可以先關掉槓桿部位。如果睡得不安樂，出掉一點變現金 3)  晚上12點前不要輕易亂買入，大盤中段價格變化會比較穩定。 4) 買入要分注，最少5注。可以向下買，成本每跌一定百分比入注，也可以以時間做單位，分多十幾注，固定每日入一注 最後，我想講同熔斷比起，今日真係小小調整，未驚過👍 假設每日跌10%，跌足10日，你資產淨多少？答案係35%，因為第10日的10%只有最初的3%左右，不會變零啦，所以不用過份恐慌😆 這個講得比較極端，其實80%左右我可能已經止損，始終最重要是保持購買力。每個人承受能力不同，暫時我輸掉的只是2月的利潤，今年還是正數，所以還ok 債息率繼續升，不利因素仍然存在。 在買入訊號明確出現前，請有紀律地操作分段入貨，記住要贏錢之前，先不要輸大錢😂(廢話) 升市時，今日高位明日低位 跌市時，今日低位明日高位

訓醒以爲眼花，一晚輸了一部Tesla model 3，2月利潤沒有了一大半，不禁反思買入點是不是太衝動… 但理性地想完之後發現還可以。經濟、股市大方向沒有錯，你看Disney、航空股都在升，今天只是修正這個月漲得太凶狠的股，這是疫情快完結的節奏。在跌市時應該選擇強勢大型股加倉，應避開中小型帳面無利潤或者體質弱公司。 今晚調整一下比例，將持股集中至有潛力的巨頭身上，假設今次股joy目標做到1.3槓桿吧。如果出掉部份期權，釋放按金，還可以加貨60%。你永遠不知道調整有多深有多久，慢慢有紀律地加倉吧，反彈一波時Model S就回來了🤗

今日俾股票group前輩教導，要響股市長玩長有，應該嚴守紀律。昨晚為例，見到大跌時加碼，要系統性交易應設置trailing stop訂單，以應對短期波幅，上漲限下跌有限。不用定價單買賣，改用百分比追蹤單，設置下跌超過一定百分比時，會自動以市價賣出，上升就沒有影響。例如$100買入股票A，再設置賣出追蹤單3%，如果佢keep住跌到$97，會自動$97賣掉；如果佢反彈上$105，賣出價會自動變做3%現價止損，$101.85。 這種止損模式可以在看錯短期方向時保住利潤。對於一直用定價單買賣的我，表示震驚，又袋錢落我袋😃 但我最鐘意Strong Hold向下買，跌得愈多，買得愈開心。反正放得入去投資既錢，都係退休基金，唔會幾年內提出，就好似MPF就算跌左20%，反正都唔係自己錢，係30年後既自己咋麻。呢一刻你會唔會傷心先😌

今年香港冬天完全不涷，另一方面見到最近德州暴風雪，全球暖化影響來得比想像中快。地球出現極端天氣頻率愈來愈高，洋流氣溫變化令地球一面地區乾旱而另一邊地區降雨量過多，又或者是一邊過熱40度以上但另一邊暴風雪的極端天氣。到了2050年，氣候會反常到了沒有4季的概念，每年會出現一次零下寒流甚至雪暴。 全球暖化關投資咩事？經濟活動受政策影響，當各國開始有共識要減低碳排放量，未來20年大方向都是再新能源、電動車、新糧食。買股票是買未來，全球國策既領域受惠者絕對可以Strong Hold，共識目標是電動車數量2030年前要佔總車量50%！各地政府應該會透過稅項、售價補貼去調整電動車數量，但作為駕駛者考慮除了價錢，充電站數量和方便程度都是很重要考量。中國、香港唔敢講，但歐洲、英國推電動車事在必行，要達標首先要起多d充電站，看好2家準備上市的充電站公司，美國市佔率最大、中標數最多的SBE，歐洲市佔率最大準備上市的TPGY。2家都是透過殼股準備新上市的公司，雖然股價已被炒起一波，但既然知道未來5-10年成個世界都係佢地，現在入場佈局1000%指日可待 (應該😂) 希望各位花點時間睇睇Reference ↓德州人呢個星期暴雪災情↓ https://9gag.com/gag/aV7DNo8 ↓德州暴雪對經濟影響分析文↓ https://hk.on.cc/hk/bkn/cnt/finance/20210218/mobile/bkn-20210218211905660-0218_00842_001.html ↓再新能源股簡介↓ https://www.fool.com/investing/stock-market/market-sectors/energy/renewable-energy-stocks/ ↓新糧食(除了未來肉，仲有未來蝦😂)↓ https://m.cnyes.com/news/id/4377433 ↓因電動車受惠領域↓ https://nai500.com/zh-hant/blog/2020/12/這幾隻-股票-將是-電動-汽車-領域-角逐-終極-贏家/ ↓充電站股SBE分析↓ https://www.fool.com/investing/2021/02/20/1-electric-vehicle-charging-stock-to-buy-and-1-to/

要埋伏十倍股，睇新聞消息係無意義，應該趁股價未郁時，發現背後價值，再不斷搵資料佐證諗法，加強信念去Strong Hold。當越黎越多人同你有相同觀點，資金進場推高股價，股價創造新聞，新聞再帶動人氣，進場又推高股價，咁先可以賺取超額報酬。 假如一切發展未如你所想，就要重新審視係咪睇漏野、睇錯野，埋伏既條件仲成唔成立。如果睇錯都要認衰仔，唔好感情用事，同股票談戀愛。 被Strong Hold同真Strong Hold，信念會爭好遠。

今日跌市主因十年期債息上升至1.3里，加上石油供應減少，油價上升，市場資金流入舊經濟股，期望疫情結束，石油、航空、零售、房地產類股票造好，新經濟科技股等等有小小調整。 之前說過1.5里之前都不需要太擔心，至少美國還沒有誘因趕着加息。但風險管理都要做一做，永遠不要忽視市場訊號。我認為短期內將石油股加入投資組合也許是不錯選項，至少5年內新能源還沒有威脅到石油地位。 石油油價由上年跌到2003年沙士時期，已經陸續反彈上2005年左右價格。從需求層面看，油價視乎航空公司復業及經濟復甦速度，將會進一步上升，上升空間接近100%，疫情始終有完結一日，這一點相信大家都同意的。從供應層面看，要看3月頭由沙地阿拉伯主導的石油國家組織OPEC公佈的增減產政策去決定。如果石油可以減產，油價將會確定反彈的走勢。另外，石油以美元計價，並有一定反向效應，當美元持續跌勢，中東石油價格一般都會上升，以確保得到同樣購買力。此外，廢老巴菲特昨天宣佈了新增持倉股票，買入了幾十億雪佛龍CVX股票(世界最大石油公司之一) 所以我會開始留意XLE (石油etf)，先放入watching list，當3月頭減產消息確認，但市場未特別在意或反映出來時，就會買入XLE，搏一兩年內經濟復甦反彈賺一波衝2倍，順便減低全倉科技股的影響。 可是，石油長期走勢真的不肯定。因爲最近看Shell (RDSB)的財報發現Shell準備將全球油站轉型，未來5年會陸續在油站增設充電站，配合電動車需求，而且積極收購公司，目標要在10年內(2030年前)成為全球最大的電力公司😳  Reference  https://www.tastymoney.hk/2021/01/shell收購ubitricity-澳能200億能期待嗎？/ (呢篇文淨係睇Shell嗰part算，港股澳能200億嗰d睇下就算😂先得第一份1500個充電位合約，就無限打J，股價仲要反映到已經往後每年接job 6000個位，又想呃韭菜，真係笑死人) (不過港股真係無奇不有，睇賭運既野都係唔岩我)

前日好友推介左隻股SENS，專門做植入式糖尿病測試sensor，糖尿病要keep住督手指驗血糖，如果你係患者會唔會咁自律，每日自隊一野check住先？而呢個產品係要做個小手術將sensor植入皮下，一個sensor壽命90日，最新亦有出180日產品，就可以監察體內血糖數據。 最大問題是病人對植入式裝置有抗拒，因為現行測驗方法除左督手指，仲有貼片式，準確率都好高，唯一缺點係敏感紅腫焗促，病人經常會自行撕下來。而植入式就係要對付嫌麻煩、唔自律、頑固既人，我相信都會有一定市場。 關於股價利多消息是SENS剛剛跟Ascensia結盟 (全球最大的胰島素注射供應商)，Ascensia很看好這個產品及技術，直接資助50M，再幫忙開銷。此舉有機會令SENS一戰成名，晉身大藥廠行列。暫時最關鍵是180日sensor目前正在等候美國食品藥物管理局6月通過審批。 相比起另一家競爭對手血糖儀公司DXCM，SENS股值顯得相當的低。如果2者比較起來，SENS足足有100%潛在上升空間，around $8!!! 缺點始終是未實現既產品，連市場反應、利潤數據都未有，風險自然是有的，但100%股值上升空間的股票不是經常出現，就看要不要承擔點風險。SENS 在1月增發50M之後，股價表現是$2.8，你可以想像做一個最壞情況，如果FDA審批不通過，股價可能下跌超過50%。 今日現價$4.8，我入左一注好細好細既觀察下先。 分析好文Reference: https://www.ptt.cc/bbs/Stock/M.1612887895.A.8AE.html

 雖然我係TSM大好友，但要注意台積電2330(台股)新年休假，聽日復市。 相信大家都知ADR係咩，美國預託證券係for美股投資者可以間接投資國外公司的股票，以美金為交易單位。TSM只係台股2330既ADR，而換股比例係1股TSM等於5股2330。呢個時候你就會發現TSM貴2330好多，中間價差有無得套利呢？ 其實正常ADR都有溢價，正常只係5-10%，因為ADR可以按比例換股票，但反轉要將股票換ADR就比較麻煩，以台積電為例，要持有超過0.02%股份先可以轉換，大概十幾億港紙吧😅 但現時TSM美股溢價高達27%，即係如果台股短期內升唔到20%去到$760，好大機會會拖番跌美股TSM，所以今晚會做番10張短期Short Call保險下

 點樣先過到心理關口做孖展，如果突然市跌，槓桿咪好傷？ 第一，而家錢唔值錢，牛市仲有得玩多陣，而家唔入令帳面賺多d先，跌嗰時就無buffer俾你，反而諗前諗後，等到高位先入市就真係做左韭菜。 第二，心理關口主要係因為你覺得現金響跌市時保值能力最高，但實際港幣掛勾美元，國際兌換價一年已經貶值了8%，揸cash不如將一隻好secure既股當做現金，say TSM經過4次熔斷嗰下最高位都係跌左18%，之後用左3個月已經完全反彈，一年後既今日已經2.7倍。如果前排有聽書，$120以下入左，都有8-10%return。 前提選股一定要secure可以放心坐，正如你唔會all in將gme當cash揸。當你將TSM全部當係cash咁諗，你就會覺得自己有充足流動資產😂9uping 槓桿方面建議一開始先做到資產1.3倍左右，當機會出現先出擊，視乎風險承受能力可做到1.5-1.8。

 IB槓桿睇整體總資產 有3個情況會強制平倉 1)含貸款價值的權益（ELV）- 維持保證金（MM） = 負 2)一日內買多過總本金2倍以上 3)ELV細過股票價值50% 另外每樣投資產品既最大容許槓桿比率都不一樣，比率要每一隻自己check，一般股票/ETF/REITS大約3倍，企業債2倍，國債可做10倍，小型股部份得1.5左右 例子一 假設$1,000本金, All in買入$1,800 的SP500大股票或者ETF, 貸款金額是 $800。1.8倍槓桿最大容許下跌多少呢？ 當組合價格下跌30%, 賬面資產淨值 $1,800 x (1 - 30% ) = $1,260 本金 (Equity) = 賬面資產淨值 (Asset) - 貸款 (Liability) = $1,260 - $800 = $460。 槓桿比率 = 賬面資產淨值 / 本金 = $1,260 / $460 = 2.74倍 < 3倍 因此, 如果槓桿做1.8, 即使組合價值大跌 30%, 仍未被斬倉, 但跌多於33% 就會斬倉了 $1800 x 0.67 / (1800 x 0.67 - 800) = 2.97倍 < 3倍。 1.8倍槓桿最大容許下跌33% 所以我一開始大約會先做1.3左右吧，如果機會出現最多會加至1.8。