燈力無邊

網絡世界其中一樣好處係半匿名，如果唔係用網名，其實我唔想響社交圈子分享自己生活，更加唔好講分享投資組合。 因為隱藏身分後，行為上的枷鎖也會隨之消失，因此容易變得肆無忌憚，做出平時在生活中不會去做的事。所以我非常反對警察可以隱藏身分，手執大殺傷力武器，加上作為檢控方有法律做後盾，如果失控真係惡哂嫁。 響呢刻做唔到D咩，其實唔緊要，因為局勢已經大到唔到我哋改變到，尤其中美關係冷戰，加上抗爭成本上升濫捕太嚴重。 做自己做到既事，可以選擇練好身體打波，練好英文sir this way，儲好錢為屋企走佬又好為貢獻黄圈又好。緊記響風雨飄搖即日子裡面，幫助身邊人，同理心係我地最大既武器! 各自爬山係無答案，問心盡做就可以了

響中共強推國安法之下，宣佈香港2020年提早回歸，實在不願見到香港既未來斷送響中共同濕鳩政府身上！ 原定2047年前搵夠錢走人，現在所有計劃被打亂，現階段始終唔夠錢過退休移民既生活。好多人最擔心移民一環，並非朋友家人、語言、適應，而係更切身既經濟問題，去到搵工做咩好？ 根據我個人經驗，搵開3、4萬要維持番香港既收入去外國唔容易，即使我算半個專業人士，但面對當地人，相信獲聘用機會不大，我都說不出自己有甚麼過人之處可以說服僱主為我付出更大代價，甚至擔保移民，所以去到當地好大機做藍領。但我又不想😣 人生目標係去澳洲退休移民！唯有死死地氣繼續返工搵錢！目標要1500萬！希望5年內走得到😞